دوستان
آخرین مطالب
لینکستان
امکانات جانبی
 

ساوالان باخ هاوالان، دردین آلان، چوخدو منیم تک
سئویره م داغ- دَ ره وی، بَت- به ره وی جانلا- تَنیم تک
قارا، آغلی- قاراداغلی ، قاراباغلی ، وطنیم تک
آی بوتون وارلیغی گْؤیچک
ده لی وورغونلارا باش چک!
آی طبیعت گؤزه لی چوْخلو گوزه للیک گؤزو سه ن سن
هم شیرین یازلی، شیرین نازلی، باخیشلار سؤزو سه ن سن
نه بیلیم! بلکه ده دونیادا بهشتین اؤزو سه ن سن
کوْ ثه رین چئشمه سی دریاچه وه باغلی
اَته گین سَبزه لی – باغلی
گول له رین خوْ للو بوتاقلی



گؤز باخارکه ن باخیشملا اؤپوره م آل یاناغین دان
خضر تک آختاریرام آب حیاتی بوُلاغین دان
وارلیقین شه فتینی بلکه اَ مه م اوْ گول دوداغیندان
آلمادان حاجه تیمی من اوْ موقدده س اوْ جاغیندان
چکمه رم ال- آیاغین دان
قوْپمارم هئچ قوُ جاغیندان
اوُلوُ سوُلطان ساوالان، داغلار آرا توُت اوُجا باشین
نئچه میلیون ایلی آید یندی قْوْیوب دور گئری یاشین
آچیق آلنین قیریشیبسا، آغاریب باشیله قاشین
یئنه سای سیزدی ته لاشون
چوخ! دوشوب باشلارا داشین
حؤرمتین وار ائل آرا ، بیزلره سوُ لطان بابا سه ن سن
اؤز قوچاقلارینا یوْ ل گؤسته رن آغشین خوْ جا سه ن سن
دده قوُرقوُ د لو او سه ک سن بیر ائلاته آتا سه ن سن
دیللرین اَزبری ائللر آرا سه ن سن
بوْ للو ده رده چارا سه ن سن.

****************

شعری از عباس اسلامی "بارز" :
هر زامان کی باخیرام باشینا قار وار گورورم
اوغلو اولموش آنا تک گوزلرین آغلار گورورم
هر طرفدن چکیلیب سینه وه داغلار گورورم
آی آلان اوستونو غم چیسگینی هریانی دومان
آی یاغان باشینا غملر اودو یاسلی ساوالان
گورموشوک یازلاردا کوچکلرده چیچکلر آچیلار
هر طرفدن چمنین سینه سینه گول ساچیلار
ماهنیلار قوشماغا باشلار یئنه ده قوشماچیلار
یاز گلیب گئتدی یئنه گولمه دین اوچ آیدا بیر آن
آی آلان اوستونو غم چیسگینی هر یانی دومان
آی یاغان باشینا غملر اودو یاسلی ساوالان
قرینلر کئچدی سنین گولمه دی بیر لحظه اوزون
قانلی یاش توکدو سارالمیش اوزونه یاشلی گوزون
غصه دن دوندو قارانلیق گئجه اولدو گونوزون
نه سوران حالینی اولدو نه ده بیر یاده سالان
آی آلان اوستونو غم چیسگینی هر یانی دومان
آی یاغان باشینا غملر اودو یاسلی ساوالان
آند وئریرم سنی او قانه بلنمیش داشیوا
گئجه گوندوز او گوزوندن توکولن قان یاشیوا
اورگین دردینی بیلدیر او سهند قارداشیوا
سنی وارلیق سنی تانری سنی بو آه و فغان
آی آلان اوستونو غم چیسگینی هر یانی دومان
آی یاغان باشینا غملر اودو یاسلی ساوالان
سالارام یادیما بیر لحظه او کئچمیشلریوی
توکولن سنگ جفا ائیله او دور دیشلریوی
ایزلرم بیربیر او حیرت یارادان ایشلریوی
هامیدان من سنین احوالینا آرتیق نیگاران
آی آلان اوستونو غم چیسگینی هر یانی دومان

ساکیت اول آغلاما قوی بیرجه چکیلسین بو دومان
گون چیخیب ظولمتی بیر یوللوغا قووسون بورادان
"نبی" گلسین "بوزآت" اولسون یئنه داغلار آتیلان
"هجرین" بلکه ییغیلسین گوزو یولدان آناجان
آی آلان اوستونو غم چیسگینی هر یانی دومان
آی یاغان باشینا غملر اودو یاسلی ساوالان
سوندوره بیلمدی گوز یاشین اورکدن اودووی
چاغیریم قوی کومک ائتسین سنه اوز اولادیوی
ایفتیخاریله بوگون ذیکر ائده رم پاک آدیوی
مرد اوغوللار بئجریب خلقینه شهرت قازانان
آی آلان اوستونو غم چیسگینی هریانی دومان
آی یاغان باشینا غملر اودو یاسلی ساوالان
بابکین گئتدیسه بوش قالمادی آمما قوجاغین
دولودور مین ائله اوغلانلارلا هر بوجاغین
نه قدر یئل اسه طوفان قوپا سونمز اوجاغین
آی بلالر سپری خلقه یامان گونده آمان
آی آلان اوستونو غم چیسگینی هر یانی دومان
آی یاغان باشینا غملر اودو یاسلی ساوالان
چنلی بئلده "ده لیلر" قوی یئنه قورسون بوساطی
"قوچ کور اوغلو" یئنه جولانه گتیرسین قیر آتی
هئچ زامان اصلین ایتیرمز او کی دوزگوندو ذاتی
آند اولا آدیوا آی گوزلری آغلار یاشی قان
آی آلان اوستونو غم چیسگینی هر یانی دومان
آی یاغان باشینا غملر اودو یاسلی ساوالان
بابالاردان بیزه قالمیش بو مثل هاممی بیلیر
سو گلن آرخا دئییبلر یئنه بیر گون سو گلر
فلکین داش اوره گین داش اوخو آخیردا ده لر
"بارز" اوغلوندا یئتر سئودیگی یاره او زامان
آی آلان اوستونو غم چیسگینی هر یانی دومان
 

**********************

اوستاد هوشنگ جعفری زنگانلی
اوچور ایلهامیم او قوشلار کیمی کی
یاز وعده سینده
قووزانیر ماوی گؤیه تا اوجا باش بیر داغا قونسون
کؤرپه قارتال کیمی دیر
گاه چکیلیر گرزده ن ایتینجه ک
اگله نیر گاه ساوالان عشقینه – آغدان – آغاقونسون
هر اوجا داغ کی گؤرورسن باشی قاردلا آغاراندی
اورا بیل کی ساوالاندی
آمما یوخ !
هر اوجا داغ سسیمی السا دا تئز قئیته ره جکدی
سسی قئیته رمک همان یئل بیله جکدی
آخی یئل یولچودو گئتگین اوکی سؤز ساخلایا بیلمز
یئل سؤزو قاپدی قاچیردار اونو کیم هاخلایابیلمز
یئل گئدرگیندی پیچیللارسؤزوکوللار قولاغیندا
سؤزو قربان ائله یر قیرنادا قانقال آیاغیندا
چئویره ر سؤز چاناغیندا
جالایارداغلارا هر بیر سؤزو مین سؤز تؤره دندی
بیلمیرم سیرری ندندی
یئل گئده ر گیندی یئلی ساخلاماق اولماز
یئله بئل باغلاماق اولماز
آمما سن ای سؤزو سینه نده کؤزردن ساوالانیم
کیم گله صدقله زرتشت بئجردن ساوالانیم
ائلیمین شانلی داغی باشیوه مین لرجه دولانیم
اریدیب ائل غمی بیر یول سنی کؤکدن ده تالانسان
سئل اولوب قانلی دنیز لر کیمی دونیایه جالانسان
آدی دیللرده قالاناسان
ساوالانسان ، ساوالانسان
ساوالان ائل غمینی بللی دی ساخلار سینه سینده
سینه سی کؤزدو آلودور گیزیریک اینسی سی واردیر نفسینده
شاعرین غملی سه سینده آلگیلان ساخلاسن ای ائل داغی غملی قفسینده
ساوالان آلسادا هر سیرری سؤزو داغلارا سالماز
گؤره نامرد دوروبدور ساوالاندان سس اوجالماز
ساوالاندا تؤکولن داشلاری دیندیر دانیشاللار
سالسا عاشیق نفسین کوللارا آلیشاللار
ده ده قود سازی چالسا
ده لی دومرول باش اوجالدار
بلی البته کی یولداس باشینی یولداش اوجالدار
سسله عاشیق سازی چالسین
سسی میز بیرده اوجالسین
اویناماقلیز گی یه دؤنسون
کاس شوشمگوزگویه دؤنسون
قوی وئره ک سس سسه باهم اوخویاق بیر ده کوراوغلو دلی سیندن
هجرین قوچ نبی سیندن
اوکی ظالیملری مظلولارین اوستونده ازه ردی
او کی آسلان کیمی داغلاردا یاتیب باغدا گزه ردی
اوخو عاشق اوخو
سن بیل او کی تانری تانییبسان
سؤزومه دوز جالییبسان
سوموگوم قوی سازا گلسین
بولبولوم آوازا گلسین
یازمیشام ایوازا گلسین
گوچ آلاق قوی دلی لردن
باج آلاق اجنبی لردن
او کی بیلمیر نبی کیمدیر قویون آذرائلینی مسخره سانسین
بیر عؤمور دورکی فضولی نی – نسیمی نی دانیب ایندی ده دانسین
شهریار تک سن اوجالت باشیوی قوی عرشه دایانسین
قوی باخار کور تر ایچینده جوموبان اؤلسون – اوتانسین
اوکی آخساخدی یوبانسین
اوکی تورکون دیلین اسگیتمه گه تصویره سالیبدیر
اوکی تورکون بالاسین ایندی ده آشغالچی سانیبدیر
او تفاله بیلیرم فیکیرینی طاغوتدان آ لیبدیر
او رژیمدندی قالیبدیر
یوخسا تورکون بالاسیندا نچیخیب علامه ی دوران
اونا دونیا باش ا ییر فلسفه ده
بیر جه نه ایران
قوی دئییم شهریاریمدان
نیسگیل او چرچی یه قالسین کی جواهر نه دی ، قانمیر
فیکری آللاتما دادیر خالقی ،ائلین حالینه یانمیر
اریمیر ، اؤلمور ، اوتانمیر
آخی ای قاردا ، دوماندا باش اوجالدان ساوالانیم
غمی ، دونیا نی قوجالدان ساوالانیم
ائل بیلیر داغلار آرا هراوجا داغلار باشی سن سن
وئرسهنده الیوی قارداشیوین سیر داشی سن سن
وئر گیلن بیر لیک الین بیرده دماونده اونون یولداشی سن سن
اوندان آیریلما آماندی
یولوموز چندی دوماندی
قوی ایگیدلر سیزه فخر ائیله ییبن باشان اوجالتسین
قویما قارتال دولانان یئر لره قوز غون الی چاتسین
 

ساوالان چنلی چاغیندا
منیم ایلهامیم اولارکن
کؤنلوم اؤز سرری سؤزون صدق ایله سؤیلر ساوالانه
ساوالان کؤز قالادار شاعر اولانلار سینه سینده
اوردا زرتشت گئیب تانریدان ایلهامین آلانه
اگیرم باش ساوالانه ، اگیرم باش ساوالانه


ن : محمدرضا احمدی
ت : سه‌شنبه 17 بهمن‌ماه سال 1391
 
موضوعات
نویسندگان
آرشیو مطالب
امکانات جانبی
Google

در این وبلاگ
در کل اینترنت
کد جست و جوی گوگل